May outing ang SB!!!

Kay tagal ding hindi nagkaroon ng bagong balita dito sa blog ng Sining Bayan.

Pero wag na malungkot dahil narito na ang pinakalatest sa Sining Bayan. Sa May 12, 2007, (sana nga matuloy talaga) ay magkakaroon ng outing at GA ang Sining Bayan. Wohoo!

Hindi pa alam kung saan, sa Villa Julia ba uli? O doon sa Mamu's place, sa Munting Ilog na hindi pa namin nararating. Ito lang ang pinagusapan kahapon sa FMDMS. Nakakatuwa na muli naming nakasama si Tetay, ang magiting na dating pangulo ng Sining Bayan.

Naging masaya naman at medyo maayos ang meeting, yun nga lang kakaunti ang dumating na bagong members. Hay....

Pero para mawala ang kalungkutan, inihahatid namin sa inyo ang ilang eksena at pangyayari sa nakaraang meeting kahapon ng Sining Bayan. Bida si Ave sa videong ito. hehehe



Ngayon narito naman ang ilang mga litrato mula sa pulong.












Sundan ang mga susunod na kababalaghang gagawin ng Sining Bayan!

*mga kuha ni Kuya Jhay

Karakol 2007!!!

Happy Fiesta sa ating mga Silangueño!!

Kayo aming iniimbitahan na manood ang Karakol ng Bayan, na pangungunahan ng mga kabataan ng ating Parokya ng Mahal na Birhen ng Candelaria.

Shempre, sa February 3, 2007. 1pm

Para sa mga kasali, ang tagpuan ay as SK Hall, 11:30 ng umaga pakisuot lamang ang official t-shirt ng inyong organisasyon. Magbaon din ng panyo, sumbrelo o scarf para panakip sa ating mga ulo.


Ang ilan sa mga organisasyong pangkabataan na bumubo sa Parish Youth Ministry na sasama sa karakol ay ang mga sumusunod:

Sining Bayan
Knights of the Sacred Host
PYM-Malabag
Chiro Youth Movement
May Flower Organization
Singles for Christ at marami pa

Magkita-kita na lang tayo sa darating na Sabado!!

Mabuhay ang kabataan ng Silang! Maligayang Kapistahan!

Nang Bata pa si Pepe - School Tour

Yes! Totoo ang nabasa niyo sa title ng post na ito, ang huling produksyon ng Sining Bayan, kasama ang ARTIST, Inc. na pinamagatang "Nang Bata pa si Pepe" ay ipapalabas sa iba't-ibang highschool sa bayan ng Silang, Cavite. Malupet diba?!

Narito ang iskedyul ng mga palabas at praktis para sa mga cast:

Rehearsal: January 24, 2007 - Wednesday SK Hall, 9am to 4pm
Palabas: January 25, 2007 - Thursday sa Gen. Vito National Highschool Oras at TBA (to be announced)

Rehearsal: February 10-11, 2007 - Saturday & Sunday, Gabaldon Hall, 9am to 4pm
Palabas: February 16, 2007 - Friday sa Infant Jesus Academy

Rehearsal: February 24-25, 2007 - Saturday & Sunday, Gabaldon Hall, 9am to 4pm
Palabas: March 2, 2007 - Friday sa Malabag National Highschool

Maraming salamat sa Munisipalidad ng Silang, Cavite, Knights of Rizal - Silang at Silang Water District.

Para sa mga katanungan, mag-comment lang dito o kaya mag e-mail sa siningbayan [at] gmail [dot] com

Maraming Salamat sa mga Dumalo!!!

Naging matagumpay ang muling pagpupulong ng Sining Bayan noong Linggo, ika-14 ng Enero sa Infant Jesus Academy. Kahit na maulan, maginaw at basa ang kalsada ay marami pa ring ang sumulong at nakigulo, nakisaya at nakiisa sa pagpupulong.

Karamihan sa mga dumalo ay mga bagong miyembro ng Sining Bayan. Ang mga talentado, malupet at astiging kabataan ng Silang na nagmula sa Infant Jesus Academy, Gen. Vito Belarmino National Highschool at Malabag National Highschool.

Narito ang mga mabangis na kabataang dumalo sa aming pagpupulong:

• Argie Balanoba
• Mari Joy Bangis
• Ross Erwin Layugan
• Mary Rose Buklatin
• Francisco Merico
• Joanne Batino
• Maedel Mendoza
• Sally Enriquez
• Jeric Toledo
• Marlon Mugar
• Anica Anacay
• Sarina Sasaki
• Desilyn Beltran
• Ellaine Javier
• Yvan Marie Ayo
• Misffa Guinto
• Jacbo Garces
• Joerry Llyod Ambulo
• Ma. Laya Cabales
• Ma. Cristina Ricafrente

At shempre, ang aming mga espesyal na bisita mula sa Fondacio formation Center si Lucy Gumek at Mam Theresa. Sana ay makasama namin uli kayo, at sa mga dumalo, maraming salamat at mabuhay kayo!

Marami pang kwento tungkol sa mga ginawa noong Linggo ang darating, hanggang dito na lang muna. hehehe

Good luck nga pala sa mga kukuha ng periodic exams sa Gen. Vito Nat'l Highschool!

Rizal Day Production Meeting

Opisyal na ito mga ka-SB

Ano: Rizal Day Production meeting

Saan: FMDMS

Kailan: Sabado, 2:00pm ika-16 ng Desyembre

Para kanino: Sa mga miyembro ng Sining Bayan na gustong sumali.

Kung hindi kayo pwede, papayagan o bigla na lang maglalaho, huwag na lang pumunta.

Salamat!

-Kuya Julius

Para sa mga aattend ng Halloween Party

Kamusta mga ka-SB? Narito ang mga paalaala kung kayo ay sasama sa Halloween Party:

Kailan? November 3, 2006
Saan? Infant Jesus Academy
Anong oras? 6pm to 6 am (para sa mga hindi mag-oovernight, 10pm ang uwian)

Mga dadalhin:

1. Flashlight
2. Water Gun
3. Extra Clothes
4. Beddings (Kumot, Unan atbp)
5. Plato, baso, kutsara, tinidor
6. Php20.00 para sa contri
7. Lumang Cartolina na blanko ang isang side
8. Lumang lipstick

Bawal ang:

• Kill joy
• Pasaway
• Nakaporma na akala mong pupunta ng SM

Kung meron pa kayong tanong hanapin lang si Ave

Kita-kits mga kapatid!

Panganay ng Lupa - CCP Showing

PANGANAY NG LUPA

isang dula hinggil para sa kalikasan
para sa programang

WAITING IN THE WINGS
ng Cultural Center of the Philippines

September 28, 2006, Huwebes / 5:00 p.m.
Tanghalang Amado Hernandez (Conference Hall)
Cultural Center of the Philippines, Manila

FREE ADMISSION/Libre po ito!
Paki-reserve po ang inyong free tickets kay
Nikki Torres (02)832-2314, 8321125 local 1607

Marami pong salamat at
Kita-kits po tayo dun!

Itinatanghal ang
MASKARA, Incorporated
-isang community-based theater organization na naka-base sa
General Mariano Alvarez, Cavite
katulong ang

LAKBAY LAHI
ensemble
para sa paglalapat ng musika
at

SININGBAYAN
para sa pangangasiwa ng produksyon at ilaw